သူအိပ်မက် မက်နေခဲ့သည်။
အိပ်မက်ထဲတွင် ဇာတိမြို့ဖြစ်သော ရန်ကုန်မြို့သို့ သူပြန်ရောက်နေခဲ့၏။ ရန်ကုန်မြို့ထဲမှလမ်းမများပေါ်တွင် လွမ်းဆွတ်တမ်းတခြင်းများစွာဖြင့် သူလျှောက်သွားနေခဲ့သည်။ မမြင်တာကြာလို့လားတော့မသိ..၊ သူ့မြင် ကွင်း ထဲမှရန်ကုန်မြို့က နည်းနည်းဟောင်းသွားသလိုရှိနေလေ၏။ သို့သော် ဒါသူ့စိတ်အထင်သက်သက် လည်းဖြစ်နေနိုင်သည်။ ပြည်ပတွင် နှစ်အနည်းငယ်ကြာအလုပ်လုပ်ရင်းနေထိုင်ခဲ့ရဖူးသော သူ့ကိုယ်ပိုင် မျက်လုံးများရဲ့ လှည့်ဖျားမှုတစ်ခုအောက်တွင် သူကိုယ်တိုင်သားကောင်ဖြစ်နေခဲ့လေသလား မပြောတတ် တော့....။ သို့သော် ဘာပဲဖြစ်နေနေ ဒီမြို့ကို သူသိပ်ချစ်သည်။ ခင်တွယ်သည်။
အနော်ရထာလမ်းမပေါ်ရှိ ပလက်ဖောင်းတစ်လျှောက်တွင် သူဖြတ်သန်းလျှောက်လှမ်းနေမိသည်။ ဈေးသည် များသည် ကျဉ်းမြောင်းသောပလက်ဖောင်းပေါ်တွင် အပြိုင်အဆိုင်တည်ခင်းရောင်းချနေကြ၏။ ၀ယ်ပါ...၊ ယူ ပါ..တစာစာဖြင့်လည်း အော်ဟစ်ညည်းညူနေခဲ့ကြသေး၏။ ပလက်ဖောင်းပေါ်မေးတင်ကာဖွင့်ထားသော ဆိုင် ခန်းတချို့မှဖွင့်ထားသောသီချင်းသံများကလည်း ဆူညံအက်ကွဲစွာဖြင့် လမ်းပေါ်ကိုအတုံးအရုံးဖိတ်စင် အန်ကျ နေခဲ့လေသည်။
ပလက်ဖောင်းဘေးမှ ကားလမ်းမပေါ်တွင် ကားများက ဥဒဟိုသွားလာနေကြသည်။ ကားစက်သံများက လည်း ကြေကွဲစွာဖြင့်ဆူညံနေခဲ့ကြပြန်၏။ ထိုကားလမ်းမများပေါ်တွင် မီးပွိုင့်များရှိလေသည်။ မီးပွိုင့်များမှ မီးနီလျှင် ကားများက ခေတ္တခဏရပ်တန့်ကြရသည်။ သို့သော် မီးစိမ်းသွားပြီဆိုလျှင် အလုအယက်ဖြတ်သန်း မောင်းနှင်ကြတော့၏။ ထိုအချက်ပြမီးရောင်နှစ်ခုကြားထဲမှ အ၀ါရောင်မီးသည် အရေးမပါသလိုများဖြစ်နေ ခဲ့လေမလား...ဟု သူခပ်ဝါးဝါးတွေးမိပြန်သည်။ သို့သော် အ၀ါရောင်မီးကတော့ဖြင့် သူ့တာဝန်ကိုသူ ကျေပွန် စွာထမ်းရွက်နေခဲ့ရင်း မှိတ်ချည်တစ်ခါ...၊ လင်းချည်တစ်လှည့်ဖြင့် ရှိနေခဲ့လေ၏။
ကားလမ်းမပေါ်တွင်ရှိသောမီးပွိုင့်များကြောင့် လားရာမတူညီစွာရွေ့လျားမောင်းနှင်နေခဲ့သော ယာဉ်အမျိုး မျိုးသည် အချင်းချင်းထိခိုက်မှုမရှိပဲ လိုရာအရပ်ရှိရာဆီဖြတ်သန်းမောင်းနှင်နိုင်ကြလေသည်။ သို့သော် နားလည်မှု၊ စည်းကမ်းသေ၀ပ်မှုလွဲချော်သွားတတ်သော တစ်ခါတရံများတွင်တော့ ထိုမီးပွိုင့်နားတစ်ဝိုက် တွင်ပင် မော်တော်ယာဉ်အချင်းချင်းထိစပ်ကာ ချိတ်တွယ်နမ်းရှိုက်မိတတ်ကြလေသည်။ ထိုဖြစ်ရပ်ကို ယာဉ် တိုက်မှုဟု အမည်ပေးတတ်ကြပြီး ထိုနာမည်အောက်တွင် ပြဿနာဆိုသောအရာက မွေးဖွားလာတတ်လေ တော့၏။ ထိုအခါ ပြဿနာဆိုသောအရာထဲတွင် ငြင်းခုန်မှု၊ အနိုင်ရလိုမှု၊ ဒေါသဖြစ်မှု၊ ရန်လိုမှု၊ ထိခိုက်နစ် နာဆုံးရှုံးမှု၊ ၀မ်းနည်းနာကျင်မှု....စသည်တို့က အချိုးကျကျ ရောစပ်ပျော်ဝင်ကာ တပျော်တပါးကြီးစီးဆင်း တတ်ကြလေတော့၏။
ပလက်ဖောင်းပေါ်တွင်တော့ လူအများဖြတ်သန်းသွားလာနေကြသည်။ သို့သော် ဦးတည်ရာခြင်းကတော့ဖြင့် မတူညီခဲ့ကြ...။ အချို့က အရှေ့မှအနောက်....၊ အချို့က အနောက်မှအရှေ့.....၊ အချို့က ဦးတည်ရာမဲ့စွာ ဖြင့်....။
ပလက်ဖောင်းပေါ်တွင်တော့ မီးပွိုင့်မရှိ...၊ ထို့ကြောင့် လူများသည်အဆင်ပြေသလိုသာ သွားကြရလေသည်။ အဆင်မပြေသောခဏတာအချို့တွင် တစ်ယောက်နှင့်တစ်ယောက် ၀င်တိုက်မိတတ်ကြလေတော့၏။
~~~~~@@@~~~~~
“ဟာ....ဟေ့လူ....၊ ခင်ဗျား လူတစ်ယောက်လုံးတောင်မမြင်ဘူးလားဗျ”......
“ဆောရီးပါခင်ဗျာ.....၊ ကျွန်တော်တောင်းပန်ပါတယ်”.....
ဘယ်သူအရင်စပြီးဝင်တိုက်မိမှန်းမသိသော်လည်း တော်တော်အောင့်သွားသော ဘယ်ဖက်လက်မောင်းကို ညာလက်ဖြင့်အသာဖိရင်း သူခပ်မြန်မြန်လေးတောင်းပန်လိုက်မိသည်။ ထို့အတူ အိပ်မက်ထဲမှာပင် ပတ်ဝန်း ကျင်ကိုငေးမောရင်း အတွေးထဲနစ်နေတတ်မိသော သူ့ကိုယ်သူ ပြန်ကျိန်ဆဲမိရ၏။ သို့သော် သူ့တောင်းပန်မှု ကို တစ်ဖက်လူငယ်မှ သိပ်ကျေနပ်ဟန်မတူ။ ပါးစပ်မှ ခပ်တိုးတိုးတစ်ချက်ဆဲလိုက်ရင်း ကျယ်လောင်စွာဖြင့် ပြောလေသည်။
“ဟွင်း.....ဘယ်လိုလူမှန်းမသိပါဘူး...။ ဟိုငေး...ဒီငေး အူကြောင်ကြောင်နဲ့.....။ အဆိုတော်တစ်ယောက် လုံးကိုတောင်မမြင်ပဲ ၀င်တိုက်ရတယ်လို့”.....
သူအံ့သြသွားသည်။ တိုက်တိုက်ဆိုင်ဆိုင်ဆိုသလိုပင် သူနှင့်ဝင်တိုက်မိသောသူက အဆိုတော်တစ်ယောက် ဖြစ်နေခဲ့တာမို့ဖြစ်၏။
“ဟောဗျ....၊ ခင်ဗျားက အဆိုတော်လား....။ ဒါဆို တိုက်မိတာကို ကျွန်တော်ထပ်တောင်းပန်ပါတယ်ဗျာ။ တွေ့ ရတာလည်း ၀မ်းသာပါတယ်...။ ကျွန်တော်က အနုပညာကိုခံစားတတ်လွန်းသူတစ်ယောက်ပါ”...
ပြာပြာသလဲပြောလိုက်သော သူ့လေသံနှင့်အမူအယာကြောင့် ထိုလူငယ်က ငါးသလဲထိုးပြုံးပြုံးရင်း....
“ဟုတ်တယ်....ကျုပ်က အဆိုတော်ပဲဗျ”.....
“နာမည်.....ဘယ်သူ”.....
သိချင်ဇောဖြင့် သူမေးမိလိုက်၏။ ထိုအခါ အမှိုက်ပုံလေမွှေ့ခံထားရသော ဆံပင်ပုံစံခပ်ဆန်းဆန်းဖြင့်ထိုလူ ငယ်က ဆောင့်ဆောင့်အောင့်အောင့်ပြန်ဖြေလေသည်။ ‘ဒါလေးတောင် ခင်ဗျားမသိဘူးလား’..ဟုဆိုချင် သည့် လေသံနှင့်ပင်ဖြစ်၏။
“ကျုပ်နာမည်က ‘မိုးမြင့်အာကာထွဋ်ဖျားဝတိံသာ’.....တဲ့ဗျ....မှတ်ထား။ နာမည်နည်းနည်းရှိတဲ့အဆိုတော် တစ်ယောက်နှစ်ယောက်လောက်နဲ့ အသစ်တွေအများကြီးပါတဲ့ အတွဲခွေတစ်ခွေမှာ ကော်ပီသီချင်းတစ် ပုဒ်ကို ပိုက်ဆံပေးပြီးဝင်ဆိုဖူးထားတယ်”.....
“သြော်.....တစ်ပုဒ်တည်းလား.....ခင်ဗျားဆိုဖူးတာ...၊ နေပါဦး...အဲ့ဒီအခွေနာမည်က ဘာလဲဗျာ....၊ ပြီး တော့ ဘယ်တုန်းကထွက်တာတုန်းဗျ....။ ကျွန်တော်နဲ့ အမှတ်တမဲ့ဝင်တိုက်မိတဲ့ အဆိုတော်ရဲ့အခွေမို့ အ မှတ်တရ ၀ယ်သိမ်းထားချင်လို့ပါခင်ဗျာ”......
သူ့အမေးကို ထိုလူငယ်က မော်ကြွားစွာပြုံးရင်း....၊ နောက် သူ့ကို အထင်သေးသလိုကြည့်ရင်းဖြေလေ၏။
“ခွေထွက်တာကတော့ လွန်ခဲ့တဲ့နှစ်နှစ်လောက်ကပါပဲ..။ ခွေနာမည်က ‘ရှက်ကီသောက်တိုင်းလွမ်းတယ်’ တဲ့”
ထိုလူငယ်၏စကားကို နာခံသလိုပုံစံမျိုးနှင့် ယောင်တောင်တောင်ဖြစ်ကာ သူခေါင်းငြိမ့်ပြလိုက်မိသွား သေး၏။ ‘ရှက်ကီသောက်တိုင်း လွမ်းတယ်’.....ဆိုတော့ အရက်သောက်တိုင်း လွမ်းတယ်ပေါ့.....ဟု သူ့ဘာသာသူပင် အခွေနာမည်ကို အဓိပ္ပါယ်ဖွင့်နေမိလိုက်သေးသည်။ သို့သော် ဒီအခွေနာမည်ကို သူမကြား ဖူးခဲ့ရိုးအမှန်ဖြစ်၏။ သူနေသော ပြည်ပနိုင်ငံငယ်လေးဆီကိုရောက်လာသမျှသော မြန်မာဗွီစီဒီကာရာအိုကေ အခွေတော်တော်များများကို သူနားထောင်ဖူးပေမယ့် ထိုအထဲတွင် မတွေ့မိခဲ့ဖူး။ နောက်ပြီး မစို့မပို့ သုံးနေ တတ်သော အင်တာနက်ထဲတွင်လည်း မတွေ့ခဲ့မိသလိုလို.....။
ထို့ကြောင့် ဇဝေဇ၀ါနိုင်လှစွာဖြင့် သူမေးမိလိုက်ပြန်၏။ အခြားလမ်းသွားလမ်းလာများက သူတို့နှစ်ယောက် ကို တစ်ခါတရံတွန်းတိုက်သွားတတ်ကြသေးတာကိုလည်း ရှောင်ရသေးသည်။
“အဲ့ဒီအခွေက ပေါက်လားဗျာ....၊ လွန်ခဲ့တဲ့ နှစ်နှစ်လောက်ကထွက်တဲ့ အဲ့ဒီအခွေကို ကျွန်တော်တော့ အခုထိ နားမထောင်ဖူးသေး”....
“တော်.....စမ်း.....ပါ.....ဗျာ”......
သူ့စကားတောင် မဆုံးလိုက်ရ...။ ထိုလူငယ်က ဖြတ်ဟောက်သည်။ နောက် ဆက်ပြောလေ၏။
“ဒီမှာ ခင်ဗျားမှတ်ထား....၊ ခွေပေါက်တာ မပေါက်တာက ကုသိုလ်ကံနဲ့ဆိုင်တယ်....။ ကျုပ်နဲ့အဝေးကြီးပဲ....။ ကျုပ်ကတော့ နောက်ထပ် ၀င်ဆိုဖို့ ပိုက်ဆံမရှိတော့လို့ ၀င်မဆိုဖြစ်သေးပေမယ့် အခွေတစ်ခွေထဲမှာ သီချင်းတစ်ပုဒ် ၀င်ဆိုဖူးထားတယ်လေ...။ အဲ့ဒီတော့ ကျုပ်က အဆိုတော်ပဲပေါ့...။ ကဲ...ခင်ဗျားဘာ ပြောချင်လဲ”....
သူ့ကို လက်အောက်ငယ်သားတစ်ယောက်လို့ မျက်နှာခပ်မာမာဖြင့် ဖိဟောက်သလိုပြောနေသော ထိုလူ ငယ်ကိုကြည့်ရင်း သူခေါင်းခါပြလိုက်မိ၏။ “အေးလေ.. သူက အဆိုတော်မှ အဆိုတော်ဆိုတော့လည်း ငါက လည်း သူ့ကို အဆိုတော်လို့ မှတ်ပေးရုံပေါ့”.....ဟုစိတ်ထဲမှ ကျိတ်တွေးမိလိုက်သေးသည်။
ထိုအခါကျမှ လူငယ်က သူ့ကိုဂြိုလ်ကြည့်ကြည့်ရင်း လှည့်ထွက်သွားရန်ပြင်၏။ သို့သော် မသွားခင် တစ်ခုခု ကို သတိရသွားဟန်ဖြင့် သူ့ဘက်သို့လှည့်ကာ.....
“နောက်ကို လမ်းသွားရင် ဟိုငေး ဒီငေးလုပ်မနေနဲ့...။ ဒီရန်ကုန်မြို့ကြီးထဲမှာ ကျုပ်လိုအဆိုတော်တွေမှ အများကြီး...။ ခင်ဗျားထပ်ပြီးဝင်တိုက်နေမိရင် မလွယ်မှာစိုးလို့ သတိပေးခဲ့တယ်မှတ်ပါ...။ ဒါပဲ”......
ခပ်ရင့်ရင့်ပြောပြီး သူ့ကို ကျောခိုင်းကာ လူစီးကြောင်းကြီးထဲသို့ လူငယ်က တိုးဝင်သွားလေတော့၏။ သူတစ် ချက် လိုက်ကြည့်နေမိလိုက်ရင်း ကိုယ့်လမ်းကိုယ်ဆက်လျှောက်ဖို့ သတိဝင်လာမိသည်။ သူပလက်ဖောင်း တစ်လျှောက်တွင် လူများကြားထဲမှတိုးကာဝှေ့ကာဖြင့် ဆက်လျှောက်ခဲ့ရင်း စောစောက လူငယ်ပြော သွားသလို သတိထားပြီးလျှောက်ရတော့မည်ဟု ကိုယ့်ဘာသာပြန်ပြီး စဉ်းစားမိလေ၏။
ထိုစဉ် သူ့နှာခေါင်းထဲသို့ စွဲမက်ဖွယ်ရာ ရနံ့တချို့က ခပ်ချွဲချွဲတိုးလို့ဝင်လာခဲ့လေ၏။ အခြားရနံ့တော့ မဟုတ်...၊ သူသိပ်နှစ်သက်လွန်းသော မုန့်ဟင်းခါးရနံ့ပင်ဖြစ်သည်။ မုန့်ဟင်းခါးကို ပဲကြော်နဲ့တစ်ပွဲလောက် ဆွဲဦးမှပါပဲ... ဟု တွေးရင်း အနံ့လာရာဆီကို လည်ဆန့်ကာ ရှာဖွေမိဆဲခဏ.....
“အောင်မလေး.....သေပါပြီတော်”.......
အသံစူးစူးလေးနှင့်အော်လိုက်သံကို သူ့နားထဲအနီးကပ်ကြားလိုက်ရချိန်နှင့်သူ့ခန္ဓာကိုယ်ဖြင့် နူးညံ့မွှေးပျံ့သော ခန္ဓာကိုယ်လေးနှင့်ဝင်တိုက်မိချိန်သည် တစ်ထပ်တည်းကျသွားရသလိုရှိ၏။ သူ့စိတ်ထဲမှ ပြဿနာတော့ စပြန်ပြီဟု.....မသက်သာစွာတွေးမိလိုက်သည်။ စိုးရွံ့စွာဖြင့် ကြည့်မိလိုက်တော့ သူ့နှင့်ဝင် တိုက်မိသူက ခပ်မိမိ၊ ခပ်ချောချော ကောင်မလေးသုံးယောက်ဖြစ်နေလေ၏။ သူနှင့် သုံးယောက်စလုံးဝင် တိုက်မိခြင်းမဟုတ်၊ အစွန်ဆုံးမှ အစိမ်းရောင်ဝမ်းဆက်ကောင်မလေးဖြင့် တိုက်မိခြင်းသာဖြစ်လေသည်။ စော စောကလူငယ်လေးပြောသွားသောစကားကို သူသတိရစွာဖြင့်....
“အဆိုတော်တွေလားမသိဘူးနော်.....၊ ကျွန်တော်တောင်းပန်ပါတယ်ဗျာ.....။ မုန့်ဟင်းခါးဆိုင် လိုက်ရှာရင်း မမြင်မိလို့ ၀င်တိုက်မိတာပါ”.......
“မဟုတ်ပါဘူးရှင်......။ ဒါပေမယ့် အနုပညာရှင်တွေပါပဲ....။ တိုက်မိတာလည်းရပါတယ်...။ မတော်တဆပဲ ဟာကိုများ”......
သူနှင့်ဝင်တိုက်မိသော အစိမ်းရောင်ကောင်မလေးက ချစ်စဖွယ်ပြုံးရင်းပြန်ပြော၏။ သူ စိတ်အေးသလို သက်ပြင်းချမိတော့ ကောင်မလေးသုံးယောက်လုံးက ရယ်၏။ သူပါအတူ ရှက်ကိုးရှက်ကန်းလိုက်ရယ်ရင်း သိချင်စွာဖြင့်......
“အနုပညာရှင်ဆိုတော့ .....ရုပ်ရှင်မင်းသမီးလေးတွေလားဗျာ”.....
သူ့အမေးကို ကောင်မလေးသုံးယောက်က ခေါင်းခါပြ၏။ အစိမ်းရောင်ကောင်မလေးက.....
“ကျွန်မတို့က ရုပ်ရှင်မင်းသမီးတွေမဖြစ်သေးပါဘူး....၊ အဲ..ဖြစ်ဖို့ ကြိုးစားနေတယ်လို့ပြောရင်ရမယ်ထင် တယ် ၊ အခုလောလောဆယ်တော့ ကျွန်မတို့သူငယ်ချင်းသုံးယောက်လုံးက မော်ဒယ်လ်တွေပါ.....။ နာမည် ကြီးမော်ဒယ်လ်အေဂျင်စီတစ်ခုဖြစ်တဲ့ (Tanlan & Maw Del) တန်းလန်း အင်(န်) မောတယ်.....ဆိုတဲ့ သင်တန်းကို ခြောက်ရက်ကြီးများတောင် တက်ခဲ့ဖူးတယ်လေ.....။ သိတယ်မှတ်လား....“မတင်မိုးစိန်” ဦးစီးတဲ့ အေဂျင်စီပေါ့....။ အခု အဲ့ဒီသင်တန်းကဆင်းပြီးတော့ cow walk တွေကို အဆင်ပြေတဲ့နေရာတွေ မှာ လိုက်လျှောက်တယ်......၊ နောက်ပြီး...သူများခေါ်ရင် ခေါ်သလို ဗွီစီဒီတွေ ဘာတွေလည်း ရိုက်မယ်စဉ်း စားတယ်....။ ပြီးတော့......ကြေငြာရော....ဘာရောအစုံပေါ့.......ဟင်းဟင်း”.....
“နာမည်လေးတွေက ဘယ်သူ...။ အားပေးရအောင်ပါခင်ဗျာ”......
သူ့အမေးကို အစိမ်းရောင်ကောင်မလေးက သူမကိုယ်သူမအရင်လက်ညှိုးထိုးပြီး......
“ကျွန်မနာမည်က ‘သက်ထားကလျာနုနုသွေးခြေဥ’....တဲ့။ သူတို့ကတော့ ‘နွေနှောင်းခါဝဿန်မိုးရွာသွန်းဖြိုး’ နဲ့ ‘စိမ်းလဲ့လဲ့တုန်မြသားငယ်တဲ့ငွေယမုန်’....တဲ့လေ...။ မှတ်ထားနော်”.......
သူခေါင်းငြိမ့်ပြရင်း...ဒီတစ်ခါတိုက်မိတဲ့ကောင်မလေးတွေကတော့ ဟိုအဆိုတော်ကောင်လေးနဲ့အတော်ကွာ တာပဲဟု.....တွေးမိ၏။ပြေပြေလည်လည် ဖော်ဖော်ရွေရွေနှင့်မို့ပင်....။ ဒါဟာ အနုပညာသည်တစ်ယောက် အဖြစ် အောင်မြင်စေဖို့ အခြေခံအချက်မဟုတ်ပါလား.......။
“အခုရော....ဘာတွေရိုက်နေလဲဗျာ”.......
“အခုလား......ဘာမှမရိုက်ရပါဘူး....။ သင်တန်းကနေဆင်းတာ တစ်နှစ်ကျော်သွားပြီလေ...။ မော်ဒယ်လ် စင်မြင့်ပေါ်မှာတောင် ရှိုးမလျှောက်ဖူးသေးဘူး။ ဒါပေမယ့် စားသောက်ဆိုင်တစ်ခုမှာတော့ cow walk တစ် ခါလား လျှောက်ဖူးတယ်....။ နောက်ပိုင်းလာမငှားကြတာနဲ့ ဆက်မလျှောက်ဖြစ်သေးတာအခုထိပါပဲ....။ ဗွီစီဒီအနေနဲ့ ကတော့ တစ်ပုဒ် သရုပ်ဆောင်ဖူးတယ်...ကျွန်မတို့သုံးယောက်လုံးလေ။ လူတွေအများကြီးပါ တဲ့ သီချင်းတစ်ပုဒ်မှာ ဖြတ်လျှောက်အနေနဲ့ပေါ့......ဟင်း.....ဟင်း...။ ကြေငြာအနေနဲ့ကတော့ ၀ါးလက်ခုပ် ကြေငြာတစ်ခုမှာ ၀င်သရုပ်ဆောင်ဖူးတယ်.....။ နောက်က ကတဲ့အဖွဲ့သားတွေအများကြီးနဲ့အတူ ရောပြီးတော့ပေါ့........။ ဒါပေမယ့် ဘာပဲဖြစ်ဖြစ် ကျွန်မတို့ကမော်ဒယ်တွေပါပဲလေ....။ ဟုတ်တယ် မဟုတ် လားရှင်”......
သူခေါင်းငြိမ့်ပြမိပြန်၏။ စိတ်ထဲမှလည်း..အနုပညာလှုပ်ရှားမှု တော်တော်အားကောင်းတာပဲ.....ဟု ခပ်ချဉ် ချဉ်လေးတွေးမိသည်။ သို့သော်....သူ့ကိုပြဿနာ မရှာသောမျက်နှာကိုထောက်ထားပြီး.....
“အခုလို မော်ဒယ်လ်တွေနဲ့ တွေ့ရတာ.....၊ သိရတာ....အရမ်းဝမ်းသာပါတယ်ဗျာ...။ အားပေးနေမှာပါ...မ”...
“သက်ထားကလျာနုနုသွေးခြေဥ....ပါ”......
“ဟုတ်ကဲ့ မသက်ထားကလျာနုနုသွေးခြေဥ.....။ အားပေးနေမှာပါဗျာ”.....
“ဟုတ်ကဲ့....ဒါဆို သွားလိုက်ပါဦးမယ်နော်.....။ သြော်ဒါနဲ့ အော်တိုလက်မှတ်ကလေးများထိုးပေးခဲ့ရဦးမလား ရှင်”......
“လိုတော့ လိုချင်ပါတယ်....။ ဒါပေမယ့် ကျွန်တော့်မှာ စာရွက်တွေဘာတွေ ပါမလာလို့”......
အားနာစွာ သူပြောမိတော့ ကောင်မလေးသုံးယောက်လုံးက ရပါတယ်...ဟု ပြောရင်း ပြုံးကာနှုတ်ဆက် ထွက်သွားလေတော့သည်။
သူဆက်လျှောက်လာခဲ့၏။ မုန့်ဟင်းခါးစားချင်စိတ်ပင် ဘယ်ဆီရောက်သွားသည်မသိတော့.....။ ငါနေခဲ့တဲ့ ဒီ ရန်ကုန်မြို့ကြီးဟာ......ငါမရှိတဲ့ လေးငါးခြောက်နှစ်၊ ခုနှစ်နှစ်အတွင်း အနုပညာမြို့တော်ကြီးများဖြစ်သွား ခဲ့ပြီလားဟု တွေးနေမိလိုက်တာမို့ဖြစ်၏။ ကြည့်လေ.....။ မြို့ထဲမှာ အမှတ်တမဲ့ဝင်တိုက်မိတာနှစ်ခါ.....၊ တစ်ခါက အဆိုတော်တစ်ယောက်နှင့်......၊ နောက်တစ်ခါကျတော့ မော်ဒယ်လ်သုံးယောက်နှင့်.....။ သူ သက်ပြင်းတစ်ချက်.....၀ူးခနဲမှုတ်ထုတ်မိလိုက်၏။ နောက်ထပ်တစ်ခါ ထပ်တိုက်မိလျှင် ဘယ်လိုလူနဲ့များ တွေ့ရဦးပါမလဲ ဟု မရေမရာစဉ်းစားမိပြန်သည်။ သို့သော်.....သူခြေလှမ်းများက ဆက်ရွေ့နေခဲ့လေ၏။
~~~~~@@@~~~~~
အိပ်မက်ထဲတွင် သူဆက်လျှောက်နေခဲ့ရင်း ပလက်ဖောင်းထောင့်ချိုးတွင် ဖွင့်ထားသော လမ်း ဘေးလက်ဖက် ရည်ဆိုင်လေးတစ်ဆိုင်ကို သွားတွေ့သည်။ ဆိုင်လေးက အမိုးမပါ ဘာမပါ....၊ သားသား နားနားမရှိ။ သို့သော် အဆောင်အယောင်ကင်းလွန်းသော အချို့ဆိုင်လေးများကိုနှစ်သက်တတ်လွန်းသူမို့ ပေါ့ဆိမ့်တစ်ခွက်လောက်ဝင်သောက်ဖို့ သူစိတ်ကူးရလာ၏။ ထိုဆိုင်လေးထဲတွင် သူနှင့်အကြိုက်တူသူ တော် တော်များလေသလားတော့မသိ....၊ ရှိသမျှခုံအကုန်လုံးတွင်လူပြည့်နေခဲ့လေသည်။ သို့သော် သောက် ဖို့ဆုံးဖြတ်ပြီးသားမို့ နေရာလွတ်တစ်နေရာစာကို မျက်စိဝေ့ကာရှာမိတော့ တစ်နေရာကိုတွေ့၏။ ထိုစားပွဲ ၀ိုင်းတွင် လူတစ်ယောက်သာ ထိုင်နေသည်။ ထိုသူ့ရှေ့စားပွဲပေါ်တွင် လက်(ပ်)တော့(ခေါ်)နုတ်ဘွတ်ခ်(ခေါ်) အိတ်ဆောင်ကွန်ပျူတာတစ်လုံးကို ဖွင့်လျှက်သားတင်ထားတာတွေ့ရ၏။ ထိုဘေးတွင်တော့ သောက်လက်စ လက်ဖက်ရည်တစ်ခွက်နှင့် ဆေးပေါ့လိပ်တိုများက ကပိုကရိုနှင့်ရှိနေခဲ့ကြလေသည်။
ထိုစားပွဲအနားသို့ သူလျှောက်သွားကာ စားပွဲဝိုင်းနားအရောက်တွင်ခဏရပ်လိုက်သည်။ ထိုသူ့ရှေ့မှလွတ် နေသောထိုင်ခုံသည် သူတို့နှစ်ယောက်လုံးအပိုင်မဟုတ်..။ သို့သော် အရင်ရောက်နှင့်သူကို လေးစား သည့်အနေဖြင့် ၀တ္တရားအရသူမေးလိုက်မိ၏။
“ဒီခုံအားသလား.....ခင်ဗျာ”.....
သူ့အသံကြောင့် ကွန်ပျူတာကို သည်းကြီးမည်းကြီးစိုက်ကြည့်နေရာမှ ထိုသူကမော့ကြည့်လာသည်။ နောက် ခပ်ဆတ်ဆတ်ခေါင်းငြိမ့်ပြပြီး...သူ့ကွန်ပျူတာကို ပြန်စိုက်ကြည့်နေလေ၏။ ထို့ကြောင့် ထိုခုံတွင်သူအသာဝင် ထိုင်လိုက်သည်။ သိပ်မကြာမီ စားပွဲထိုးလေးလာချပေးသောပေါ့ဆိမ့်လက်ဖက်ရည်ကို တစ်ငုံသောက်ရင်း သူ့ အရှေ့မှထိုလူရွယ်ကို မိတ်ဖွဲ့စွာဖြင့် စကားစတင်ပြောဖို့ သူအားထုတ်မိတော့သည်။ တစ်ယောက်တည်း ဟိုဒီ ကြည့်ရင်းဖြင့် လက်ဖက်ရည်ဆိုင်ထိုင်ရတာ အတော်ပင်ငေါင်တောင်တောင်နိုင်လာတာမို့ဖြစ်၏။
“အစ်ကိုက ကွန်ပျူတာတော်တော်ကျွမ်းမယ်ထင်တယ်နော်”.....
သူ့စကားသံကြောင့် ထိုလူရွယ်က ခေါင်းမော့ကာသူ့ကိုကြည့်လာသည်။ မိတ်ဖွဲ့စွာဖြင့် သူပြုံးပြမိတော့ ပြန်ပြုံး ပြရင်း....
“ကွန်ပျူတာကို ကျွန်တော်ဒီလောက်မကျွမ်းပါဘူးဗျာ”......
“ဒါဆို အစ်ကိုဝါသနာတော့ တော်တော်ပါမယ်ထင်တယ်”.....
သွေးတိုးစမ်းသလိုသူမေးမိလိုက်၏။
“၀ါသနာတော့ပါပါတယ်.....။ ဒါပေမယ့် ကျွန်တော်စာရေးဖို့သက်သက်လောက်ပဲ စိတ်ဝင်စားတာပါ”.....
“ဟာ......ဒါဆို အစ်ကိုက စာတွေရေးတယ်ပေါ့”......
အံ့သြစွာဖြင့် သူမေးမိသည်။
“ဟုတ်တယ်.......ကျွန်တော်က စာရေးဆရာပါ”......
“ဘယ်မဂ္ဂဇင်းတွေ......စာစောင်တွေမှာရေးလည်းဗျာ....၊ ဒါမှမဟုတ် လုံးချင်းလိုင်းကလား.....၊ ကလောင် နာမည်ကရော ဘယ်သူလည်းဗျာ.....။ ကျွန်တော်က စာရေးတာဝါသနာပါလို့ပါ.....။ ခုလိုစာရေးဆရာ တစ်ဦးနဲ့ တွေ့ဆုံရတာကိုလည်း အရမ်းဝမ်းသာမိပါတယ်..။ ပြောရရင် ကျွန်တော်က စာပေကိုလည်း မြတ်နိုး လွန်းတဲ့ သူတစ်ယောက်ပါ”.....
တရစပ်ပြောလိုက်သော သူ့စကားသံအဆုံးတွင် ထိုလူရွယ်က ခပ်မိန့်မိန့်ပြုံးရင်းဖြေ၏။
“ကျွန်တော်က အပြင်စာစောင်တွေ၊ မဂ္ဂဇင်းတွေမှာမရေးပါဘူး....။ အွန်လိုင်းမှာ...အဲ...အင်တာနက်ထဲမှာ ရေးတဲ့ အွန်လိုင်းစာရေးဆရာတစ်ယောက်ပါ..။ ကလောင်နာမည်ကတော့ ‘ကျော်သထက်ကျော်ဇမ္ဗူ ပေါ်လူတော်’ လို့ခေါ်ပါတယ်”...
သူကိုယ်တိုင်အနည်းငယ် တီးမိခေါက်မိရှိသောရပ်ဝန်းဖြစ်သော်လည်း.....ထိုနာမည်ကို သူတစ်ခါမှမကြားဖူး ခဲ့...။ သူကိုယ်တိုင်မသိသေးတာလည်းဖြစ်မည်...။
“ဟုတ်လားဗျ.....။ ဘလော့ဂ်ရေးတာမျိုးပေါ့နော်....။ လိပ်စာလေးပေးပါဗျာ....။ လာဖတ်ရအောင်ပါ”.....
“ကျုပ်က ဘလော့ဂ်ပေါ်မှာစာရေးတာတော့ဟုတ်တယ်...။ ဒါပေမယ့် ဘလောဂ်ဂါမဟုတ်ဘူးနော်....၊ ခင်ဗျား သိအောင်ရှင်းရှင်းထပ်ပြောမယ်....။ ကျုပ်က အွန်လိုင်းစာရေးဆရာ”.......
မျက်နှာထိ မျက်နှာထားဖြင့် ချက်ခြင်းပြောင်းလဲကာပြောလိုက်သော ထိုလူရွယ့်ကိုကြည့်ရင်း အလိုက်အ ထိုက် သူခပ်မြန်မြန်လေးခေါင်းငြိမ့်ပြလိုက်မိ၏။ သို့သော်စိတ်ထဲမှနေပြီးတွေးမိသည်။
သူသိသော ဘလော့ဂ်ရေးသူတော်တော်များများထဲတွင်...စာရေးဝါသနာပါလို့ မနေနိုင်သောကြောင့်ရေးသူ၊ သူများအား သိစေချင်တာမို့ မျှဝေသူ.....၊ ခံစားချက်ကလေးများရေးသူ.....၊ ဟင်းချက်နည်း....ဝေမျှသူစပြီး အမျိုးမျိုးရှိသည်။ တချို့ကအပျော်သက်သက်.....၊ တချို့က ၀ါသနာအရ.....၊ တချို့က မိတ်ဖြစ်ဆွေဖြစ်..ဟု ခြုံပြောလျှင်ရမည်....။ နောက်ပြီး....အွန်လိုင်းတွင် တစ်ကယ့်စာတွေရေးခဲ့သော နာမည်ရှိဆရာ၊ ဆရာမ များ၏ဘလော့ဂ်များလည်းရှိသည်။ သို့သော် သူ့ရှေ့မှလူလို...ကိုယ့်ကိုယ်ကို စာရေးဆရာဟု ခံယူထားသူ များကိုတော့ မတွေ့မိခဲ့ဖူး.....။ မတွေ့သေးတာလည်းဖြစ်ချင်ဖြစ်မည်...။ မသိသေးတာလည်း ဖြစ်ချင်ဖြစ် မည်...။ ရှိချင်လည်း ကျိတ်ရှိနေမည်။ သို့သော် သူကတော့ဖြင့် အခု အရှင်လတ်လတ် နှဖူးတွေ့ ဒူးတွေ့ကြုံ နေခဲ့ရပြီ....။
“အွန်လိုင်းမှာ ကျုပ်စာဖတ်ပရိတ်သတ်တွေဆိုတာ”......
ထိုသူက သူနှစ်သက်သောအကြောင်းအရာမို့ အာပေါင်အာရင်းသန်သန်ဖြင့် ဆက်ပြောနေလေတော့၏။ သို့ သော်လည်း....စကားများက သူ့နားထဲ မ၀င်တစ်ချက် ၀င်တစ်ချက်ဖြင့်..။ ထိုသူ့စကားထဲတွင်ပါလာသော စာဖတ်ပရိတ်သတ်ဆိုတာကို စဉ်းစားမိနေသေး၏။ လူတစ်ယောက်ရေးထားသော စာကို လူတစ်ယောက်က ဖတ်ကြည့်ရုံဖြင့် စာဖတ်ပရိတ်သတ်ဖြစ်သွားရောလား.....၊ မြည်းစမ်းကြည့်သည့်အနေဖြင့် ဖတ်ကြည့်လျှင် ရော သူ့စာဖတ်ပရိတ်သတ်ဖြစ်သွားရောလား....။ အားနာလို့ ဖတ်ရင်ရော သူ့စာဖတ်ပရိတ်သတ်ဖြစ် သွားရောလား....။ တစ်ကယ်နှစ်သက်လို့ စွဲစွဲမြဲမြဲဖတ်နေတာကိုမှ စာဖတ်ပရိတ်သတ်လို့ခေါ်သလား......၊ ရံဖန်ရံ ခါဖတ်ကြည့်ရင်ရော သူ့စာဖတ်ပရိတ်သတ်ပဲလား......စသည်ဖြင့်။ နောက်ပြီး....ပန်းသီးသည်ချို၏။ မုန့်ဟင်းခါးထဲတွင် ငရုပ်သီးထည့်စားမိတာ...အတော်စပ်သွားသည် စသဖြင့်ရေးသောအရေးအသားများကို ထိုသူသာ ရေးနေခဲ့မည်ဆိုလျှင်....သူ့စာဖတ်ပရိတ်သတ်ဟု ခေါင်းစဉ်တပ်ခံရသူများသည်..........?????
ထိုလူကတော့ ဆက်ပြောနေလေသည်။ သို့သော် သူ့နားထဲ တစ်လုံးမှမ၀င်တော့....။ လျှံထွက်နေခဲ့လေပြီမို့ ပင်ဖြစ်၏။ ထို့ကြောင့် မျက်နှာကိုသာ ပြုံးရင်းသူစိုက်ကြည့်နေမိတော့၏။ သူ့မြင်ကွင်းထဲတွင် ကြည့်ရင်းထင် ထင်ရှားရှားမြင်လာရသည်က ထိုသူ့နားထင်နားလောက်အထိရောက်ရှိ မြင့်တက်နေခဲ့ပြီဖြစ်သော အနီရောင် စီးကြောင်းတစ်ခု.......။
အနီရောင်....
သူသိပ်မုန်းသည်......။
ရဲရင့်ခြင်းဟု အများကခေါင်းစဉ်တပ်ကြသော်လည်း...
သူကတော့ ပူလောင်ခြင်း....ဆူပွက်ခြင်း....စသည်တို့ကို နှိုးဆွတတ်သည်.....အဓိပ္ပါယ်ဟု တစ်ကိုယ်ရည် တွေးထားမိခဲ့လို့ပင်ဖြစ်၏။
~~~~~@@@~~~~~
သူအိပ်မက်မှ လန့်နိုးလာခဲ့သည်။
သူ့အခန်းထဲတွင် သူမှလွဲပြီးတစ်ယောက်မှမရှိ.....။
ထို့ကြောင့် သူ့အိပ်မက်ကိုပြန်တွေးရင်း တစ်ယောက်တည်း....စိတ်ချလက်ချ ခိုးပြုံးလိုက်မိသည်။
သီချင်းတစ်ပုဒ်ဆိုဖူးပြီး......ကိုယ့်ကိုယ်ကိုယ်အဆိုတော်ဟု....အတင်းမှတ်ယူနေသူ....။
မော်ဒယ်လ်သင်တန်းတက်ပြီး.....ကိုယ့်ဘာသာမော်ဒယ်လ်ပြန်ထင်နေသူ.....။
သာမန်ဘလော့ဂ်တစ်ခုရေးပြီး......ကိုယ့်ကိုယ်ကို စာရေးဆရာထင်နေသူ.....စသဖြင့်....
သူတွေ့ခဲ့ရသော‘အိပ်မက်ထဲမှ အိပ်မက်မက်နေသူများ’....အကြောင်းကို ပြန်စဉ်းစားမိသွားလို့ပင် ဖြစ်၏။
~~~~~@@@~~~~~@@@~~~~~@@@~~~~~
===================================================
ဤ၀တ္တုသည် မည်သူတစ်ဦးတစ်ယောက်ကိုမှ မရည်ရွယ်ခဲ့ပါ...။
တိုက်ဆိုင်မှုရှိက ခွင့်လွှတ်ဖို့ အနူးအညွှတ်တောင်းပန်ပါတယ်ခင်ဗျာ.....။
===================================================
ချစ်ခြင်းအားဖြင့်..........
ဏီလင်းညို
(ထင်)
